頭先睇咗電視做嗰輯新聞透視﹐嘩﹗真係好好睇﹗今集係講關於香港既教育制度﹐究竟應該用母語教學丫﹖一話好似十年前咁﹐用中英文教學呢﹖ 呢個係一個據有非常大爭意性同敏感既問題﹗ 。。。。。。講到呢道﹐我有D猶疑﹐應唔應該繼續打落去﹐繼續發表我既意見呢﹖真係好驚﹐驚如果繼續既話﹐ 一陣講咗D唔應該講既野出呢﹐會禍從口出﹐攪出個爛攤子出黎。。。。。。不過﹐我都係想發泄一下我以前讀書嗰陣既苦處啫﹗如果有咩得罪既地方﹐希望各位大人有大諒﹐高抬貴手﹐唔好追究啦﹗

中文中學﹐英文中學﹐中英文中學﹐究竟邊樣對D學生們係最好既呢﹖

(閱讀全文)

今日稔唔到有咩特別野想講﹐ 唔知講咩好﹗ 喺度續個TOPICS睇﹐ 揀咗好耐﹐ 睇完又睇﹐ 都唔知揀邊個呢寫好。 因為睇到好多TOPICS都可以揀呢寫﹐ 個個TOPICS都可以講到好多好多野﹐ 所以真係唔知揀咩好囉﹗ 咁岩收音機講緊個心理測驗﹐ 係測對感情專唔專一架﹗ 不過﹐ 我就聽唔切佢地講既解釋係咩﹐ 所以就唔可以喺度同大家分享啦﹗ 我頭先一聽到話講關於愛情﹐ 我就稔﹐ 不如就講愛情喇﹗ 其實愛情呢個TOPIC既範圍係好大既﹐ 好多野講﹐ 仲可以係講唔完﹐ 無窮無盡架﹗頭先睇到咁多TOPICS﹐ 完全唔知揀邊個開始講先好。 咁岩我呢排又唔係咁開心﹐ 咁就揀呢個TOPIC喇﹗﹗﹗ 愛情是。。。。。。。

(閱讀全文)

今朝HIGHWAY嗰度大塞車呀﹗ 撞鬼囉﹗平時RUSH HOUR已經好多車架啦﹗ 今朝仲塞成咁﹐ 又遲咗出門口﹐ 但係計過時間﹐ 車到阿仔返學會岩岩好﹐ 唔會早﹐ 唔會遲﹗ 起初我稔住塞車唔緊要﹐ 緊係好似平時咁﹐ 塞我地落去個EXIT同下一個工廠區個EXIT﹐ 仲好淡定咁叫我老公慢慢呢﹐ 唔洗急﹐ 朝朝都係咁﹐ 塞呢兩個EXITS架喇﹗ 點知架車愈行得前﹐ 愈覺得唔對路﹐ 點會塞成咁﹐ 過咗嗰兩個EXITS之後都仲大排長龍﹐ 塞到差唔多停晒車咁制。 緊係大獲野啦﹗ 果然不出我所料﹐ 過咗一陣﹐ 大概揸咗我地既三份一路程左右﹐ 離遠已經見到有幾架警車閃晒燈﹐ 仲有兩架車喺度﹗ 係呀﹗ 咪就係撞車囉﹗ 好平常啫﹗ 成日都發生架喇﹗ 而且嗰兩架車仲要係冇乜野啫﹗ 可以同D差人係度寫得口供既﹐ 你話有幾傷﹐ 幾大獲喇﹖ 都唔夠上次我見到成架四驅車反咗咁勁﹐ 成個地下比架車磨擦完留底既痕跡呀﹗都唔明撞車之嘛﹐ 有咩咁好睇呢﹖ 點解我會咁講﹖ 因為做成大塞車既原因並唔係撞咗車﹐ D車同差人已經係喺路邊﹐ 唔係喺撞車既位置﹐ 咁點會阻住條路做成大塞車呢﹐ 係咪﹖ 同嘛﹐ 呢度有條法例﹐ 如果見到任何車閃緊燈﹐ 唔理係警車﹐ 洗街車﹐ 整路車都要慢駛﹐ 又唔洗停車﹐ 咁點解會大塞車丫﹖ 咪係因為D人八掛囉﹗ 個個架車經過嗰陣都揼晒BRAKE﹐ 停晒車喺度睇咁制﹐ 後面D車又要跟住揼BRAKE﹐ 一架傳一架﹐ 。咁咪大塞車囉﹗ 我呢加拿地嗰陣D人都已經係咁架啦﹗ 都唔明點解D人要八到咁﹗ 我睇到係因為我唔洗揸車咋喎﹗ 你要揸車既就唔好咁八啦﹗ 況且你都要慢駛﹐ 經過都夠你睇到咩事喇﹗ 點解一定要停車睇﹐ 攪到後面大塞車先安樂既呢﹖ 都唔化既﹗結果﹐ 我個仔緊係遲到啦﹗ 好彩唔係遲咗好多啫﹗ 同Pre-School冇相干﹐ 好多人都會遲到架﹗ 哈哈﹗ 不過今日就好似係最遲嗰個啦﹗

(閱讀全文)