唉。。。明知道自己仲咳緊﹐就應該繼續戒口﹐唔好食甜野啦﹗都係自己衰﹐頭先見肚餓﹐又口痕﹐想揾野食﹐就話食雪糕﹗仔仔聽到緊係興奮到不得了﹐蠻咁嘈住問﹐係咪食架﹐係咪食架﹗

我今晚真係好想食雪糕嘛﹗咁就問老公食唔食﹐仔仔即刻跳嘛上老公到﹐攬實DADDY問﹐DADDY你食唔食呀﹗我地食喎﹗老公就點下頭話好啦﹗咁我就去“畢”啦﹗

(閱讀全文)

今日過得硬係好唔自在咁﹐因為。。。。。。我同老公懷疑“屋企爆水喉”呀﹗

由琴晚老公沖涼嗰陣開始﹐老公一直聽到D水聲﹐見唔多夠熱水﹐就一心以為係隔離屋同一時間沖涼﹐兩邊爭水用﹐所以冇理到﹗老公沖完涼出黎﹐仲同我講﹐喺到話隔離屋﹐“撞鬼佢呀﹗我沖涼﹐佢又喺度沖涼﹐攪到無熱水﹗”

(閱讀全文)

仔仔學校既STUDENT LED CONFERENCE由琴日下晝4點鐘就開始咗﹐一連3日﹐直到星期五。由於仔仔琴日已經見咗家長啦﹗所以無啦啦多咗兩日假期﹐變成4日既LONG WEEKEND。

不過﹐因為下個星期係SPRING BREAK﹐又撞岩EASTER BREAK﹐所以放大假﹐到4月7號先返學呀﹗咦﹗咪住先﹐嘩﹗好彩CHECK一CHECK啫﹗原來仔仔下星期要返學架﹗係月尾嗰個星期先放假呀﹗哎喲﹗我呢個大懵媽咪呀﹗又擺烏攏添﹗如果唔係就要星期一學校打黎揾仔仔﹐先知道要返學喇﹗

(閱讀全文)

(閱讀全文)

今日同仔仔返學嗰陣﹐發現個個同學仔都著到好靚返去﹗我奇怪﹐就走去問下個ROOM MOM啦﹗問佢今日係咪要DRESS UP返黎架﹗佢話唔係﹐淨係聽日先要著綠色﹐因為ST. PATRICK'S DAY﹐學校開PARTY。我話見到個個都DRESS UP﹐想問下啫﹗

到我同仔仔入去課室放底完書包﹐走嗰陣﹐喺門口見到班家長﹐八掛又問多次啦﹗一問之下﹐原來係今日學校請咗個攝影師黎同班小朋友上堂呀﹗咁我聽到佢咁講﹐以為又影相﹐所以DRESS UP啦﹗跟住佢話唔係﹐個攝影師只係黎講解啫﹗我話噢﹗仲以為又影相添﹗佢話唔係﹐只係我地D家長做足準憊功夫﹐驚個攝影師會影佢地其中一個啫﹗哈哈。。。原來鬼佬都會咁諗既﹗仲以為只係我地D中國人先會有唔執輸既精神既添﹗

(閱讀全文)

今日入去FACEBOOK玩既時候﹐無意間比我發現咗﹐琴日3月14日係叫咩日子啦﹗就係白色情人節啦﹗哎嗷﹗咁都唔記得咗都有既﹐真係呀﹗

喺度補祝大家﹕白色情人節快樂啦﹗

(閱讀全文)

今日係農曆情人節﹐唔係琴晚聽收音機既時候聽到﹐都唔記得咗添﹗

農曆情人節﹐又叫咩呢﹖七夕節﹖元霄節﹖定係咩呢﹖突然唔記得咗添﹗

ANYWAYS﹐喺度祝大家﹕情人節快樂﹗有情人終成絹屬﹗

(閱讀全文)

唉。。。今日真係慚愧啦﹗咩都冇做過呀﹗仲要仔仔自己一個悶添呀﹗

我見今日起身﹐D咳勁咗﹐諗住今日係星期日﹐冇野做﹐又冇街去﹐老公又要返工﹐晏晝喺屋企﹐咪食D西藥﹐等個病快D好耐﹗因為之前都淨係每晚臨瞓前先食一次﹐咪好得冇咁快囉﹗啊﹗點知一食就出事啦﹗

(閱讀全文)

今日係星期五﹐送仔仔返學既時候﹐問清楚咗仔仔個同學仔個媽咪﹐佢老公幾時返。佢話星期日﹐嘩﹗即刻鬆返口氣呀﹗我話咁我唔洗再車你個女架啦﹗佢又話希望啦﹗

望就望唔洗啦﹗因為我真係唔想咁直接﹐咁老實咁話比佢聽﹐我唔想再幫佢呀﹗因為如果要拒絕佢既﹐一定要話比佢聽原因既﹐咁我冇理由話我頂佢個女唔順架﹗雖然佢都知自己個女好犀利﹐D鬼佬都話佢個女似男仔﹐一D都唔似女仔﹐除咗個樣﹔但係我都唔可以咁講啫﹗係就係我依家病緊﹐只係我怕又會好似之前咁﹐而家唔洗我接﹐過一排又揾我呀﹗

(閱讀全文)

唉。。。真係衰呀﹗越唔想病﹐就偏偏要病﹗今日返去學校幫手都仲好地地架﹗點知返到黎﹐同仔仔食完野之後﹐就開始黎料啦﹗咳多咗之外﹐仲流鼻水﹐依家塞嘛添呀﹗點解會咁架﹖

救命呀﹗有冇方法可以即刻好返架﹖

(閱讀全文)

今朝DADDY打電話黎﹐叫我幫手用個快譯通查下個中文字既拼音﹐因為BB出院要填表。為勉拼錯字﹐同出咗院之後先攪既﹐D手續會麻煩好多﹐所以就出完前填晒D野﹐咁可以安心返屋企休養﹐又唔洗走去攞出世紙﹐等佢寄黎就得啦﹗如果唔係﹐一出咗院之後﹐就要自己去攞出世紙同攪好多手續架啦﹗

不過﹐死啦﹗揾錯人呀﹗因為我唔識查嘛﹗如果唔係﹐阿仔依家個名都唔會串錯咗啦﹗仲要係我岩岩先知添喎﹗走去問﹐話改返得唔得﹐又話一定要跟改名既規舉做﹐要宣誓又要揾擔保人咁﹐大佬呀﹗而家係攪錯咗﹐唔係改名嘛﹗只係差一個英文字啫﹗都話要查哩查路。唉。。。攪到仔仔無得改返個名添﹗好彩喺度係用英文名既啫﹗

(閱讀全文)

今朝仔仔賴尿﹐走咗過黎揾我地﹗嗰陣先6點幾﹐我瞓到懵懵農農﹐起身叫仔仔去完廁所﹐幫佢抹完身﹐換嘛衫﹐先拿拿聲去執床﹐“DUM”晒D濕咗既被鋪入去個浴缸度﹐就走返上床瞓覺啦﹗而仔仔﹐一早就上咗我張床度﹐同老公瞓緊覺啦﹗

我都唔理得咁多啦﹗跳嘛上床瞓就算﹗仔仔就仲不斷咁喺度講野﹐我應應下仔仔。。。唔。。。唔。。。喔。。。咯。。。咯。。。咯。。。就瞓咗覺啦﹗

(閱讀全文)

今日係3月8號﹐三八婦女節﹗YEAH﹗

好應該慶祝下﹗因為大細佬嗰仔仔今日下晝出咗世啦﹗

(閱讀全文)

今日喺屋企﹐無無聊聊咗成日﹐都唔知自己做咗D咩。而家諗返轉頭﹐真係咩都冇做過架喎﹗咁D時間去咗邊呢﹖

無野叻﹐“口徙”時間就最叻﹗唉。。。。。。。。。。。

(閱讀全文)

(閱讀全文)