November 5, 2009

琴晚揾完工﹐寫完BLOG之後﹐就瞓覺啦﹗我睇到有份工幾好﹐幾岩我架﹗咁岩又去今日DEADLINE﹐咪稔住到今超起身先試打去問下﹐睇下佢請咗人未囉﹗一打去﹐有人聽咗電話﹐叫我等咗陣之後﹐一駁到去負責請人嗰個人條線﹐就轉咗去電話錄音啦﹗冇計啦﹗鬼叫自己有興趣咩﹐唯有留言喇﹗

點知等咗好耐﹐都唔見佢打返黎喎﹗咪再打過去囉﹗又係駁去電話錄音。咪又留多次囉﹗等到過晒返工時間﹐都仲未收到電話﹗唉。。。即係無望啦﹗

其實﹐無望都唔緊要﹐因為我咁遲先睇到份工﹐都預咗唔會輪到我架啦﹗只不過﹐你都唔好咁過份呀﹗明知道我打黎問﹐你都話聲我知﹐你請咗人未呀﹗起碼得個知字﹐唔洗我等丫嘛﹗

算啦﹗等我再揾過份啦﹗實有份岩我既﹗反正我都係志在攞經驗為上﹐唔急揾既﹗就慢慢黎啦﹗

唔。。。唔知幾時﹐我先會揾到份我鐘意既工做呢﹖咁揀法﹐我稔都有排呀﹗唉。。。如果我仲係單身既話﹐幾好呢﹐可以稔都唔洗稔﹐即刻返香港揾野做呀﹗唉。。。可惜呀﹗又係冇望架啦﹗唉。。。。。。