November 4, 2009

頭先本來可以好早入黎寫BLOG架﹗點知攪攪下﹐又拖到夠鐘聽收音機喎﹗咁咪稔住聽嘛先囉﹗見聽緊收音機既時候﹐又冇野做﹐無無聊聊咁﹐咪呢度睇下嗰度睇下囉﹗襟襟下就走咗去睇D揾工網﹗一睇就睇到依家﹐唔知時間返黎寫BLOG﹐仲以為今晚可以早D瞓添﹗點知都係唔得﹗唉。。。。。。

頭先揾工既時候﹐發覺而家D條件﹐好似底咗好多咁呀﹗而且人工都好CHEAP添呀﹗唔知係咪因為依家經濟低迷呢﹗丫﹗應該係話經濟唔好至岩﹗嘻嘻。。。。。。

見到要求咁低﹐好想再試下呀﹗雖然係就係唔夠用架啦﹗不過﹐最重要既係﹐做就咗呢個好機會比我返翻出黎做野﹐攞返D新既經驗丫嘛﹗再唔努力試下揾工做﹐我呢一世都唔洗再返出黎做野啦﹗因為越拖得耐﹐就越難揾到工架啦﹗而且老公岩岩比人炒咗魷魚﹐無野做﹐依家咁既時勢﹐更加要積極D啦﹗唔係就真係等死架啦﹗真係攪到我越黎越想返香港揾野做呢﹗

琴晚瞓嗰陣﹐都有同老公傾過呢個問題呀﹗而家我喺度揾野做﹐最低都$14/hr.﹐月薪過$2000﹐計返黎﹐對返港幣都過$14000一個月﹐但係我都嫌少。因為呢度D生活水平咁高﹐跟本就唔夠用﹐如果唔係﹐都唔會有咁多呢D咁既工﹐冇人肯做啦﹗所以老公都話﹐同香港比﹐我地呢度D人工都唔夠洗﹐香港D人工仲低﹐點生活呀﹖咁我話﹐我都知﹐我都稔唔明呢個問題﹐淨係搭車都洗咗份人工既一半啦﹗又要比家用﹐又要洗﹐又要日常生活既洗費﹐真係唔知點樣可以夠用囉﹗但係我話﹐我D朋友個個都返晒香港做野﹐個個都生存到喎﹗咁冇理由我地唔得架嘛﹗真係好想好想試下呢﹗可惜﹐老公一D都唔鐘意香港丫﹗佢怕咗香港咁多人﹐迫迫夾夾咁﹐好辛苦喎﹗咁又係﹐我都明既﹐老公黎咗呢度咁耐﹐更唔鐘意呀﹗都好過香港呀﹗起碼喺度唔洗同人迫先啦﹗知但係﹐我極鐘意香港喎﹗唉。。。難攪。。。真係難攪呀﹗

好啦﹗唔講住啦﹗仔仔岩岩醒咗﹐出黎去洗手間呀﹗而家瞓咗喺我張床到呀﹗我係時候熄電腦﹐等佢可以瞓返﹐我又可以快D瞓添呢﹗GOOD NIGHT﹗