November 2, 2009

哪﹗睇下﹗上面張相既糖﹐就係仔仔HALLOWEEN嗰晚既收獲啦﹗幾多﹗今年仲冇去到MALL﹐同行少咗條街添呀﹗唔係實仲多呀﹗

嘩﹗今日送咗仔仔返學之後﹐我地就去附近個臨時CLINIC嗰度睇下﹐稔住CHECK下多唔多人﹐唔多既話就可以帶仔仔去打H1N1針。點知去到見到間CLINIC閂咗門﹐貼咗幾張NOTICE喺度﹗原來唔夠疫苗呀﹗而家要等下﹐睇下D疫苗幾時到﹐再另行通知呀﹗唉。。。真失敗呀﹗

跟住就返咗黎啦﹗點零鐘﹐稔住冇咩野咗住﹐就拿拿聲攞晒D衫去洗先啦﹗廢事再拖呀﹗點知一洗就洗到5點幾﹐先乾完最後一機衫﹐攞返落黎摺。洗2機衫﹐乾2機衫﹐都攪咁耐﹐係慘呀﹗

摺完晒D衫﹐就開始睇電視劇啦﹗睇完第一出之後﹐第二出開始做﹐播咗一陣之後﹐老公就開始開飯啦﹗我地今晚食粥、油炸鬼﹐同炒麵呀﹗

睇完電視﹐食完野﹐執好晒D碗碟之後﹐就同仔仔沖涼啦﹗放好咗盆水比仔仔沖涼﹐我就洗碗﹐洗完先抱返仔仔起身。攪掂晒之後﹐我就攞咗仔仔學校派嗰個BACKPACK出黎﹐同仔仔玩裡面既GAMES同睇晒D圖書。玩完之後﹐執返好晒﹐就出去食生果﹐然後到我沖涼。沖完就要仔仔執返好晒D玩具﹐去擦牙瞓覺啦﹗

老公幫仔仔擦完牙之後﹐仔仔話要聽故仔﹐揀好書之後﹐就要我讀BEDTIME STORY先肯瞓﹗OK﹐講就講啦﹗講完之後﹐仔仔都喺度攪攪震﹐扭呢樣﹐嗰樣呀咁﹐攪咗一大輪先喺我張床度瞓咗﹐老公先抱返仔仔過去瞓咋﹗唉。。。。。。

死啦﹗我沖完涼之後﹐就開始有D頭痛啦﹗依家仲好似好通咁添﹗點算好呀﹖