November 1, 2009

哎也﹗真係傻咗啦﹗揾咗成十幾分鐘﹐岩岩先醒起我部手機叉緊電添﹗頭先稔住上網睇下有冇D好睇D既相框﹐用黎POST相喺度﹐等我個BLOG唔洗咁悶﹐成日用黎用去都係嗰幾個款既相框﹐唉。。。“口徙”鬼晒我D時間添呀﹗

HALLOWEEN既相﹐又要再遲多日先可以POST上黎啦﹗SORRY。。。

岩岩沖完涼出黎一陣﹐之前同仔仔做功課﹐要做勞作呀﹗

食完飯嗰陣先醒起仔仔份功課﹐唔鬼記得咗晏晝出完街返黎嗰陣﹐要去DOLLAR STORE度買D材料同仔仔做添﹗喺屋企“抄”黎“抄”去﹐都揾唔到有D咩相或者圖畫﹐可以比仔仔用黎貼落去既﹗唉。。。死啦﹗聽日咪冇功課交﹖咁稔住留返聽朝一早起身﹐作最後衝次﹐早D起身出去買野返黎再做。但係稔稔下﹐又唔得啫﹗因為實唔願起身既﹐咁啫一定冇野交啦﹗咁點好呢﹖

稔稔下﹐不如就試下上網查下啦﹗SEARCH下有D咩相可以用咪得囉﹗好﹐就SEARCH啦﹗嘩﹗好彩有INTERNET咋﹗求其揾咗幾個仔仔鐘意既野同電視節目﹐打咗落去SEARCH完之後﹐就叫仔仔黎揀相啦﹗EASY。。。EASY。。。咁就攪掂啦﹗連出去買野整都慳返﹐哈哈哈。。。真係好呀﹗慳錢慳時間﹐咩都可以慳返晒﹗YES﹗

咦﹗1點35分﹗唔。。。就講到呢度先啦﹗我想早D休息呀﹗又有D肚餓添﹗要食D野先瞓得添﹗好啦﹗係咁喇﹗GOOD NIGHT﹗