October 28, 2009

今朝起身﹐用緊電腦既時候﹐仔仔個同學仔個媽咪打黎比我﹐話我知佢地今日有MAGIC SHOW睇﹐有魔術師去學校表演呀﹗叫我如果得閒既話﹐就攞嘛部相機返去同個仔影相喎﹗咁當然﹐我地仲講咗好多其他野啦﹗差D攪到叫唔切仔仔起身添呀﹗

收咗線之後﹐叫極仔仔都唔肯起身﹐唉﹗今朝明明10點半就醒咗﹐仲走嘛過黎叫醒我地架﹗點知轉頭又瞓返﹐等到我地都起晒身﹐個仔都唔肯起身呀﹗

攪到又遲到。。。。。。。。。

送咗仔仔入班房之後﹐我就順便問嘛﹐個魔術師幾點黎﹐睇下可唔可以返黎影相﹐個MISS話OK﹐叫我1點半再返黎﹐咁我就走咗啦﹗

拿拿聲同老公去找咗張卡數先﹐比完錢之後﹐見唔係淨返好多時間﹐就去咗媽咪度坐﹐食咗D野﹐等到夠鐘先返去﹗

嘩﹗攪到差D遲到添﹗好彩啫﹗去到學校既時候﹐班小朋友岩岩好去完GYM到學完跳HIP HOP。一開門﹐就見到佢地行緊返去班房度﹐因為個班房就喺學校門口隔離﹐所以一開門就見到佢地啦﹗哈哈。。。真係撞到正﹐岩岩好﹗一同佢地一齊行到入班房﹐就見到個魔術師喺裡面啦﹗

YES﹗RIGHT ON﹗即刻可以開始影相同影MOVIE啦﹗我睇晒成個表演﹐到臨尾完場既時候﹐個魔術師叫咗仔仔出去幫手做最後一個魔術﹗嘻嘻。。。真係開心呀﹗可以幫仔仔影相啦﹗到完咗之後﹐個MISS叫個魔術師同班小朋友影返張相留念﹐我緊係唔會錯過呢個機會﹐影返張啦﹗於是﹐就走嘛去MISS隔離﹐用自己部機幫班小朋友影多張﹐自己留返個COPY都好丫嘛﹗

影完相﹐緊係要功成身退啦﹗同MISS講聲之後﹐就上車走啦﹗走嗰時已經2點啦﹗同老公返翻黎﹐坐咗陣﹐3點鐘又返去接仔仔放學啦﹗

唉。。。呢間學校真係多節目呀﹗真係攪到鬼死咁忙呀﹗攪到我依家都唔知揾唔揾工做好呀﹗揾野做﹐又驚湊唔到仔仔﹔唔揾野做﹐喺屋企又悶到死﹐丫呀﹗點算好喎﹖