October 27, 2009

今日同仔仔返學竟然早到咗﹐喺架車度等咗陣﹐見D家長同同學仔碌逐出現﹐我地先落車﹐因為今日好凍呀﹗落咗車﹐行到學校門口﹐都仲未夠鐘。仔仔同D同學仔喺門口玩咗陣﹐老師先出黎開門﹐我同仔仔入咗去放底咗個書包就走啦﹗一出黎﹐突然間落雪喎﹗嘩﹗凍到我拿拿聲走返去老公部車度﹐因為我著咗件好薄既褸咋﹗凍到我DD震呀﹗

同老公返到黎﹐我就用電腦CHECK EMAILS同上FACEBOOK﹐攪掂晒之後﹐就去YAHOO個BLOG度回留言﹐實在太耐冇回過啦﹗回完晒﹐時間岩岩好﹐又夠鐘接仔仔放學啦﹗

接咗仔仔返黎食完野﹐我就打比媽咪﹐叫佢去COSTCO﹐因為我要同仔仔影PASSPORT相呀﹗媽咪話﹐今日細佬唔洗返工﹐出咗去睇戲﹐想等嘛佢返黎先喎﹗等到大概4點40分﹐媽咪打黎﹐話細佬返咗黎﹐可以出去啦﹗咁就各自各出發啦﹗

去到同仔仔影完相﹐細佬都想影﹐但係唔記得咗睇個SIZE﹐因為佢要影張想攞黎比人整個掛場既架呀﹗所以冇得影﹐要下次黎過。個人叫我地半個鐘頭之後先返黎攞相﹐所以我地就喺COSTCO裡面行咗陣﹐邊行邊等囉﹗本來想買野既﹐但係見到好多人﹐有排等比錢﹐所以攞完相﹐唔買野就走啦﹗

返黎既時候﹐仔仔扭計話要食PIZZA﹐老公今晚就真係整PIZZA比佢食喎﹗因為我上次減價既時候﹐買咗個PIZZA喺冰箱嘛﹗我見個個都熱氣到死﹐又病﹐又唔舒服﹐所以一直都唔敢整黎食。點知老公今晚真係整咗黎做晚餐﹗唉。。。聽日一定要煲涼茶飲先得啦﹗唔係實又會個個都病呀﹗

唔。。。今日都冇咩特別野﹐就係咁啦﹗丫﹗我仲要幫仔仔填咗份FORM呀﹗因為仔仔個PASSPORT過咗期﹐我地先同佢影相咋﹗要攞返個嘛﹗唔係有起事上黎﹐出唔到境就麻煩啦﹗

咦﹗依家先2點﹐今晚早咗bor! 嘻嘻。。。咁就等我早D瞓啦﹗