October 26, 2009

今日起身整好晒野﹐用嘛電腦之後﹐我就叫醒仔仔啦﹗今次一定要佢起身﹐因為今日輪到我留係學校做先生既幫手﹐做VOLUNTEER ROOM MOM﹐我唔想遲到呀﹗

一早整好晒D野﹐執好晒書包﹐同仔仔食完野。所有野都攪掂晒啦﹗望下個鐘﹐見仲有時間淨﹐咪叫仔仔唔洗咁急囉﹗點知轉個頭﹐又係遲到﹗唉。。。。。。

嘩﹗今日就忙囉﹗一返到學校﹐點完名之後﹐MISS就叫我幫手喺D小朋友既書包入面﹐攞晒佢地個FOLDER出黎﹐因為今日好忙﹐無時間叫D小朋友自己拎出黎嘛﹗返學返12點20分﹐12點半就要去個GYM到上BREAK DANCE堂﹐學HIP HOP舞。D小朋友一入到課室﹐放底晒書包﹐除好晒D褸/外套之後﹐就要換返對室內著既鞋。跟住等D小朋友坐定得黎﹐MISS點完名﹐都已經夠鐘啦﹗咁有咩辦法唔趕先得架﹗

好啦﹗去學完跳舞之後﹐又返翻黎課室。佢地就開始上堂﹐我就幫MISS分咗D通告﹐擺好晒落D小朋友既FOLDER入面﹐分好晒﹐擺返入佢地個書包。

攪掂晒之後﹐岩岩好時間陪佢地一齊睇南瓜﹗MISS今日準憊咗個南瓜﹐攞黎教D小朋友﹐應下節嘛﹗HALLOWEEN個個都用南瓜黎做佈置裝飾﹐所以比佢地認識一下囉﹗開頭就叫D小朋友逐個稔個字黎形容個南瓜﹐跟住就切開佢﹐攞晒D核出黎﹐比班小朋友FEEL下個南瓜究竟係點既。然後我地就善後﹐執返好晒D野佢﹐小朋友就放食SNACK。我同MISS清理完現場之後﹐MISS就叫我去洗乾淨D核﹐因為之前同D小朋友估咗裡面有幾粒核架﹗要洗返乾淨之後﹐同D小朋友一齊數。同嘛﹐會分比佢地一人一粒種咗佢架﹗

我洗完晒D野返黎﹐佢地仲食緊SNACK﹐MISS又叫我幫手做第二樣野啦﹗叫我喺D唔同顏色既畫紙度﹐幫佢畫個M字同個E字﹐每個字母要43個﹗嘩﹗

咁我就即刻開始畫啦﹗因為應該差唔多時間放學架啦﹗我數齊咗D畫紙之後﹐就開工啦﹗畫完個M字之後﹐就開始畫個E字啦﹗點知岩岩開始畫咗幾個啫﹗就夠鐘放學啦﹗唔好話畫完呀﹗連剪都剪唔到呀﹗我都話唔夠時間淨晒佢架啦﹗真係估唔到佢稔放學都要我做野啫﹗上次留喺度嗰陣﹐我幫手做好晒D野之餘﹐仲有時間淨添架﹗今日竟然忙到唔夠時間喎﹗

放學返到黎﹐緊係好“支力”啦﹗做咗咁耐野﹐無得坐喎﹗返黎抖返陣﹐老公煮野食﹐食完野﹐我洗嘛D碗﹐再抖咗陣﹐跟住我地就出咗去買餸啦﹗喺買完餸﹐回程既時候﹐比我發現咗D野呀﹗就係WAL-MART SUPERCENTER終於都開到落黎啦﹗我見到嗰座仲起緊既BUILDING﹐出面“幢”咗個牌﹐寫住WAL-MART SUPERCENTER呀﹗嘩﹗真係勁開心呀﹗等咗佢入黎CITY度開等咗幾耐呀﹗舊年睇報紙都話會慢慢開既﹐又要喺CITY出面開先﹐慢慢先開入黎﹐唔知等到幾時架嘛﹗依家卒知比我等到啦﹗因為SUPERCENTER即係連嘛SUPERMARKET呀﹗WAL-MART到有嘛SUPERMARKET﹐D野又平D喎﹗你話幾方便呀﹗方便好多架﹗起碼唔洗去咁多唔同既地方買餸先啦﹗

喺美國既WAL-MART﹐間間都係咁既﹐只係差在大D定係細D既啫﹗次次去親美國玩﹐都會去WAL-MART買野既﹐因為方便快趣嘛﹗緊有一間喺附近架﹗我都不知幾羨慕家姐佢地去買餸﹐可以淨係去WAL-MART攪掂呢﹗除咗每間公司每個星期喺FLYER度登D特價野之外﹐最平都係WAL-MART架啦﹗

不過﹐遲D呢到開咗﹐就唔洗再羨慕啦﹗希望快D開啦﹗