October 25, 2009

依家係零晨2點14分﹐聽日又要返仔仔學校度做HELPER﹐早D瞓為妙。勉得聽日唔願起身﹐又遲到呀﹗今晚又唔寫咁多啦﹗

唉。。。個仔﹐到而家都仲未瞓﹐岩岩仲喊添﹗扭計話要打機喎﹗咁鬼夜﹐打咩機先得架﹗正一麻煩友黎架﹗頭先12點嗰時﹐叫佢擦牙瞓攪之前﹐先打完PS2之嘛﹗依家又話要打老公部PSP﹗唉。。。。。。聽日又實唔肯起身返學啦﹗攪到我頭都大嘛﹗

扭到跳晒床﹐叫晒咁﹐咁鬼夜﹐咁樣攪法﹐想唔比人投訴都難啦﹗咪比我打佢PAT PAT囉﹗點知﹐仲衰﹐喊嘛添﹗哎呀。。。。。。救命呀﹗

仔仔收咗聲之後﹐老公叫我返出黎﹐佢陪個仔瞓喎﹗因為我之前叫老公返出黎﹐唔比佢陪個仔瞓丫嘛﹗鬼叫仔仔扭計呀﹗唉。。。。。。

好啦﹗唔講啦﹗等我睇下仔仔瞓咗未先﹐因為佢好“支力”架啦﹗一瞓落床就可以瞓得著嗰隻﹐只係仔仔死都唔肯比自己瞓咋嘛﹗而且﹐我好肚餓﹐想去廚房揾野食呀﹗

聽晚見啦﹗BYE-BYE﹗