November 20, 2009

今晚岩岩做完家好月圓大結局﹐一套個故仔咁覆雜既電視劇﹐唔怪得香港播嗰陣﹐收視會咁好﹐個個都追住黎睇啦﹗

又好似出銀樓金粉咁﹐又係咁﹗又係一套個個都追黎睇既電視劇﹗

November 19, 2009

嘩﹗真係發覺越黎越難揾可以用黎做BLOG既BACKGROUND既相呀﹗次次都係咁要揾既時候﹐實揾唔到既﹗揾到我人都癲呀﹗

請問有冇BLOG友可以幫下我呀﹖ 我真係唔識揾架﹗如果你地知道有D咩網址有勉費BACKGROUND/WALLPAPER既話﹐請留言﹐通知我一聲﹐等我唔洗咁頭痛啦﹗THANK YOU﹗

November 18, 2009

呼﹗終於都開咗個BLOG啦﹗雖然係過咗12點先開到個戶口﹐但係我仲未瞓都叫做係18號嘛﹗唯有自己扼自己啦﹗

不過﹐唔緊要啦﹗因為我開咗個BLOG啫﹗都仲未整任何野住﹐淨係改咗個名﹐連裝飾佈置都未整﹐我稔住呢幾日就會用D時間去攪呢D野﹐一於整靚個新BLOG佢先開張﹗

November 17, 2009

唉。。。估唔到今晚咁野入黎﹐都係一個留言都冇呀﹗唔通﹐我寫D野真係咁悶﹐攪到冇人黎睇﹖

算啦﹗我放棄啦﹗就用我自己認為應該岩既事項黎CHECK啦﹗總之﹐揀個吉日咪得囉﹗我都係想攞個意頭啫﹗過度自己就OK架啦﹗

November 16, 2009

咦﹗奇怪。。。。。。

我頭先CHECK完琴晚寫嗰編BLOG呀﹗淨係得兩個人睇過咋﹗仲以為今晚返入黎﹐會又留言添﹗點知﹐都冇人睇我編BLOG﹗

November 15, 2009

唉。。。人越大﹐就開始越迷信。今日突然稔起有個網站有欽天監同萬年曆睇﹐咪走咗去睇囉﹗稔稔下﹐竟然連我想開個新BLOG都走去CHECK下邊日係吉日﹐適宜開張既﹗因為我稔住開個BLOG黎早網站﹐用黎賣野嘛﹗咁自不然想揾個吉日開張﹐等我可以生意興隆嘛﹗真係有D大陣像過頭呢﹗不過﹐我個賣野BLOG﹐唔會有太多野賣﹐所以先想穩陣D啫﹗

可惜﹐我真係唔識睇﹐因為同月曆一樣﹐咩吉凶﹐都唔知係咩呢既﹐更何況係擇日呢﹗都唔知應該係睇開市﹐交易﹐定係第二D野﹐定還是係總之係吉日就得呢﹗唉。。。

November 14, 2009

唉。。。又係咁夜先可以入黎寫BLOG﹗因為今晚D時閒好迫切﹐將D野迫嘛晒一齊做﹐所以攪到咁夜﹗

今日瞓到11點零就起身啦﹗因為仔仔今超早賴尿﹐幫佢整好晒﹐攪掂晒D手尾﹐就喺我張床度瞓﹐嗰陣大概8點幾﹐咁早緊係繼續瞓啦﹗瞓到9點幾﹐我頂唔順﹐將仔仔搬咗去我個位瞓﹐我瞓中間﹗廢事仔仔係咁“褲”被﹐攪到我地個個冇被襟呀﹗

November 13, 2009

今日下晝﹐唔係聽收音機﹐都唔記得咗今日係黑色星期五添﹗

而家係11點24分﹐仲有一個鐘頭先夠鐘聽收音機嗰個節目﹐成個鐘﹐夠晒時間比我寫BLOG啦﹗

今晚咁早入黎﹐先至係真正既早﹐仲係13號呢﹗琴晚只係早一分鐘咋﹗唔算數﹗

November 12, 2009

哈哈﹗岩岩好比我喺12點前﹐11點59分﹐CLICK咗入黎寫BLOG﹗

今日車咗仔仔返學之後﹐我同老公去咗媽咪到﹐因為應承咗同細佬去買褸呀﹗我地去到等佢地攪掂晒﹐換好衫﹐就行啦﹗個個都坐晒細佬部車﹐廢事揸兩架車去咁麻煩啦﹗

November 11, 2009

今日係REMEMBERANCE DAY假期﹐又係老公同細佬既生日。係呀﹗佢地兩個係同一日生日架﹗所以每年都會好頭痕﹐去邊度食飯慶祝好。年年都只係同細佬慶祝生日﹐因為老公做廚師既﹐餐館係冇假放架嘛﹗所以細佬揀咗地方就會一齊去。講到明係假期丫嘛﹗緊係多人架啦﹗成日都要等位﹐又多人又迫﹐自然頭痕啦﹗

不過﹐今年唔同﹐老公冇野做﹐所以一齊慶祝。細佬話想食日本野﹐揀咗地方之後﹐就打比我地﹐各自各揸車去嗰度等﹗