December 8, 2009

因為大細佬同弟婦呢個星期六會返黎﹐過嘛聖誕先走﹐所以媽咪就好忙執屋啦﹗琴日媽咪已經叫我幫手﹐我話今日先啦﹗因為琴日我有野做嘛﹗所以今日仔仔放學之後﹐我地就去咗媽咪到啦﹗

去到﹐先食D野﹐跟住仔仔就同細佬玩﹐我同媽咪就開始執野啦﹗而老公呢﹐無野做﹐喺度睇報紙﹗

December 7, 2009

早兩日個寒流吹咗黎﹐攪到吹大風﹐落大雪。雖然而家個寒流係走咗﹐但係就鬼死咁凍呀﹗呢間屋最底死之處﹐就係夏天又隔熱﹐冬天又唔底寒呀﹗所以我稔過嘛呢幾個月既冬天﹐一暖返﹐就要即刻揾地方搬呀﹗

因為呢度夏天既時候﹐就熱到死﹐室外既熱空氣走晒入黎﹐唔識走(因為無對流)。而冬天呢﹐就漏風﹐出面嗰D冷空氣就漏晒入黎﹐攪到間屋個暖氣﹐開極都唔食停﹐間屋更加唔洗指意會識暖啦﹗我間房個窗門﹐可以凍到結晒冰﹐起晒雪既﹐你話可想言之﹐我依家有幾凍啦﹗唔搬邊得呀﹗真係疑得可以搬返香港呀﹗

December 6, 2009

琴晚寫完BLOG之後﹐就開始睇嘛套劇啦﹗睇一之下﹐先發現原來係有16集﹐唔係我之前講既12集﹐攪到我睇到4點都睇唔晒﹐只係睇完12集咋﹗

零晨4點鐘﹐係人都頂唔順啦﹗本來想繼續睇嘛佢架﹗不過﹐怕個MONITOR既光“殘”住老公瞓唔到﹐同嘛我都可以眼瞓啦﹗所以決定今日先睇嘛佢﹐熄電腦﹐上床瞓覺﹗

December 5, 2009

零晨1點13分﹐頭先岩岩沖完涼出黎﹐倒咗杯鮮奶﹐攞咗D維他命﹐返入黎房﹐坐喺部電腦面前食咗﹐就趕緊開始寫BLOG啦﹗ 快快趣趣攪掂之後﹐咁我又可以繼續早我沖涼之前做緊既野啦﹗就係睇電視劇喇﹗

其實我今晚﹐一早已經將所有要做既野/事做完晒﹐10點幾﹐就已經坐咗喺部電腦面前﹐因為星期六﹐都無咩電視節目好睇﹐好既喺9點半之前都已經睇晒啦﹗連電視都熄嘛﹗咁岩老公收工返黎﹐沖完涼﹐先開返部電視睇。我見老公喺廳睇﹐仔仔自己喺房睇﹐我咪入黎用電腦睇囉﹗

December 3, 2009

由琴日開始﹐我拎返D單據同收條出黎﹐繼續入嘛D數落電腦度﹐因為太耐冇入啦﹗要由6月開始。琴晚入完8月D數之後﹐就上床瞓覺啦﹗所以今日下晝見得閒既時候﹐就繼續入嘛佢啦﹗岩岩入完11月﹐先去沖涼﹐跟住出黎就聽收音機﹐又到依家入黎寫BLOG啦﹗

December 2, 2009

老公返完一日工之後﹐今日就放假啦﹗因為佢被編咗逢星期三放假嘛﹗

不過﹐晏晝嗰陣我問佢﹐佢話連聽日都唔返工啦﹗因為琴晚收工返黎嗰陣﹐老公都同我講話呢份工D人好鬼麻煩﹐唔多想做架啦﹗

November 30, 2009

琴晚預憊既野食﹐只係食咗一半﹐所以今晚要繼續﹐務求清晒D野食佢﹐唔洗擺喺雪櫃度頭痛﹐唔知用黎煮咩好呀﹗

November 29, 2009

零晨2點39分﹐咁鬼夜﹐快快趣趣寫完BLOG就算啦﹗唔係聽朝唔識醒叫仔仔起身返學呀﹗寫完吹嘛頭﹐要即刻瞓啦﹗

今日瞓到好晏起身﹐老公12點幾起身﹐我都仲攤喺度繼續瞓﹐因為實在太“支力”啦﹗到差唔多1點先起身﹐仔仔都係比老公叫醒架咋﹗