November 6, 2009

唉。。。下晝食完野之後﹐就開始唔係好舒服啦﹗成日都想反胃咁﹗到頭先食晚飯既時候﹐食咗個湯撈飯﹐又好似好返D咁﹗

不過﹐岩岩沖涼嗰陣﹐又無喇喇肚痛喎﹗到依家仲痛緊。仲要加嘛頭痛添呀﹗

November 5, 2009

琴晚揾完工﹐寫完BLOG之後﹐就瞓覺啦﹗我睇到有份工幾好﹐幾岩我架﹗咁岩又去今日DEADLINE﹐咪稔住到今超起身先試打去問下﹐睇下佢請咗人未囉﹗一打去﹐有人聽咗電話﹐叫我等咗陣之後﹐一駁到去負責請人嗰個人條線﹐就轉咗去電話錄音啦﹗冇計啦﹗鬼叫自己有興趣咩﹐唯有留言喇﹗

點知等咗好耐﹐都唔見佢打返黎喎﹗咪再打過去囉﹗又係駁去電話錄音。咪又留多次囉﹗等到過晒返工時間﹐都仲未收到電話﹗唉。。。即係無望啦﹗

November 4, 2009

頭先本來可以好早入黎寫BLOG架﹗點知攪攪下﹐又拖到夠鐘聽收音機喎﹗咁咪稔住聽嘛先囉﹗見聽緊收音機既時候﹐又冇野做﹐無無聊聊咁﹐咪呢度睇下嗰度睇下囉﹗襟襟下就走咗去睇D揾工網﹗一睇就睇到依家﹐唔知時間返黎寫BLOG﹐仲以為今晚可以早D瞓添﹗點知都係唔得﹗唉。。。。。。

頭先揾工既時候﹐發覺而家D條件﹐好似底咗好多咁呀﹗而且人工都好CHEAP添呀﹗唔知係咪因為依家經濟低迷呢﹗丫﹗應該係話經濟唔好至岩﹗嘻嘻。。。。。。

November 3, 2009

唉。。。攪咗部電腦咁耐﹐都係冇結果﹐真係醜呀﹗

今日見下晝冇野做﹐4點零鐘開始﹐咪將張MEMORY CARD入面既相﹐入晒落部電腦到﹐UPLOAD上網﹐再BURN嘛落DVD到﹐咁咪可以DELETE咗部腦嗰D﹐慳返D位﹐等部腦可以行得快D﹐冇咁慢咯﹗點知。。。。。。

November 1, 2009

哎也﹗真係傻咗啦﹗揾咗成十幾分鐘﹐岩岩先醒起我部手機叉緊電添﹗頭先稔住上網睇下有冇D好睇D既相框﹐用黎POST相喺度﹐等我個BLOG唔洗咁悶﹐成日用黎用去都係嗰幾個款既相框﹐唉。。。“口徙”鬼晒我D時間添呀﹗

HALLOWEEN既相﹐又要再遲多日先可以POST上黎啦﹗SORRY。。。

October 29, 2009

死啦﹗又差唔多2點啦﹗岩岩喺FACEBOOK到睇完編文章﹐望下個鐘﹐嘩﹗咁夜架啦﹗D中文真係差咗好多呢﹐睇編野都用咗咁多時間﹗

唔好意思﹐頭先仔仔叫我﹐走咗過去幫佢鋪床呀﹗因為仔仔今朝賴咗尿﹐整濕咗D床單﹐我拆咗出黎﹐仲未有時間洗嘛﹗所以攞返張舊床氈同第二張床單出黎﹐幫仔仔鋪過囉﹗唔係今晚又攪到我地冇得瞓架啦﹗今朝仔仔去完洗手間之後﹐同我地一齊瞓﹐不知瞓得幾辛苦呀﹗迫住晒﹐仔仔仲要成日踢晒D被﹐要我地幫佢襟返﹐又唔肯襟喎﹗因為瞓中間好熱架﹗咁我地又點會有覺好瞓呀﹗

October 28, 2009

今朝起身﹐用緊電腦既時候﹐仔仔個同學仔個媽咪打黎比我﹐話我知佢地今日有MAGIC SHOW睇﹐有魔術師去學校表演呀﹗叫我如果得閒既話﹐就攞嘛部相機返去同個仔影相喎﹗咁當然﹐我地仲講咗好多其他野啦﹗差D攪到叫唔切仔仔起身添呀﹗

收咗線之後﹐叫極仔仔都唔肯起身﹐唉﹗今朝明明10點半就醒咗﹐仲走嘛過黎叫醒我地架﹗點知轉頭又瞓返﹐等到我地都起晒身﹐個仔都唔肯起身呀﹗